«Frunze Estate Winery»-ին հիմնադրվել է 2001թ-ին Վայոց ձորի Աղավնաձոր գյուղում։ Հիմնադրել են Մուրադ և Սամվել Սարգսյան եղբայրները։ Հիմնադրման գլխավոր նպատակը եղել է համայնքային․ գյուղացիներից մթերել բերք, որպեսզի նրանք չունենան սոցիալական խնդիր։  Առաջնային է եղել ոչ թե արտադրությունը, այլ հանրությանը, ֆերմերներին օգնելը։Շուտով ստեղծվել է «Լուսարև» բրենդը, որը ծագում է Լուսինե և Արևիկ անուններից։ Այն վաճառվել է միայն Մոսկվայի Ararat Park Hayat-ում։ 2021թ-ին լեյբլին նոր շունչ է հաղորդվել, գործանաը ամբողջությամբ վերանորոգվել է, վերազինվել է նոր՝ միջազգային ստանդարտներին համապատասխան սարքավորումներով։ Այս ամենի արդյունքում բարձրացել է գինու որակը։Ներկա պահին մեր այգիների տարածքը կազմում է 2 հա, ինչը պլանավորվում է առաջիկա 1 տարում հասցնել 10 հա-ի։Գործարանը գտնվում է հենց գյուղի կենտրոնում, աշխատում ենք գյուղի էնդեմիկ խաղողներով՝ Արենի, Խաչ խարջի, Խաթում Խարջի, սպիտակ Արենի։Ոսկեհատ տեսակի խաղողից առաջին անգամ Վայոց ձորում արտադրվելու է շամպայն։Բերքահավաքը հիմնականում կատարվում է սպիտակ խաղողինը՝ սեպտեմբերին, կարմիրինը՝ հոկտեմբերին։ Բերքահավաքը կատարվում է և՛ մեր այգիներից, և՛ մթերում ենք համայնքից, պահպանելով համայնքին օգնելու մեր գաղափարը։Շամպայնի պատրսատման համար կատարվում է վաղ բերքահավաք, որը ըստ տարածաշրջանի և լաբորատոր արդյունքների որոշվում է, թե որ այգուց և երբ պետք է կատարվի։ Այս բերքը օգտագործվում է շամպայնի պատրաստման համար։Հիմնականում վաղ բերքահավաքը լինում է օգոստոս ամսվա վերջում կամ սեպտեմբերի սկզբում։ Բերքահավաքից հետո խաղողը 20կգ-անոց արկղերով տեղափոխվում է գործարան։ Արկղերի միջից սորտավորելով առանձնացվում են լավագույն հատիկները և ուղարկվում մշակման։ Ավելի ուշ՝ սեպտեմբեր ամսվա վերջում, հավաքվում է «Շիվէ» գինիների արտադրության համար անհրաժեշտ սպիտակ խաղողը, որի ալկոհոլը և հասունությունը ավելի բարձր է։«Լուսարև» գինիների մեջ այս տարի օգտագործվելու են 3 տեսակի խաղողներ, ինչը նշանակում է, որ «Լուսարև» սպիտակ գինին պետք է լինի սպիտակ խաղողների խառնուրդ՝ Ոսկեհատ, Խաչ Խարջի և Արենի։ Գործարանում խաղողների լավագույն հատիկները ընտրելուց հետո, անց են կացվում մամլման աշխատանքներ։ Մենք աշխատում ենք փոքր տարողությամբ սարքավորումներով, ինչը հնարավորություն է տալիս ուշադիր հետևել որակին։ Այնուհետև սպիտակ խաղողի հյութը սեղմվում է և ուղարկվում խմորման։ Պահպանման համար օգտագործվում են Ղարաբաղյան կաղնու տակառներ։ Կարմիր գինու պահպանամն համար օգտագործվում են նաև կարասներ և բետոնից «ձվեր»։